VLORË– Një aksident është shënuar paraditën e sotme në Vlorë. Raportohet se një makinë me ngjyrë jeshile ka përplasur një këmbësor në rrugën e spitalit e më pas është larguar me shpejtësi nga vendi i ngjarjes. Policia ende nuk e ka identifikuar drejtueson e mjetit. Mësohet se 60-vjeçarja e identifikuar me inicialet V.H ndodhet jashtë rrezikut për jetën dhe është nën kujdesin e bluzave të bardha.
NJOFTIMI I POLICISË:
Rreth orës 09:40, në rrugën “Ali Demi”, një automjet me drejtues ende të paidentifikuar, ka aksidentuar shtetasen V. H., rreth 60 vjeçe, e cila ndodhet në spital, nën kujdesin e mjekëve. Pas aksidentit, drejtuesi i automjetit është larguar nga vendi i ngjarjes. Grupi hetimor po punon për zbardhjen e rrethanave të aksidentit, identifikimin dhe kapjen e drejtuesit të automjetit.
