KUKËS– Një aksident është regjistruar mbrëmjen e sotme në rrugën e Kombit. Ngjarja ka ndodhur në fshatin Kolsh. Mësohet se një makinë është përplasur me një trafikndarëse e për pasojë është plagosur një grua. Ajo u dërgua në spital nga kalimtarët e rastit.
Nga informacionet paraprake nga vendi i ngjarjës bëhet me dije se në mjetin e përfshirë në aksidedent udhëtonte një çift. Automjeti është goditur nga pas nga një automjet tjetër. Policia pritet të dalë me një njoftim zyrtar ndërsa po punon për zbardhjen e rrethanave të aksidentit.
