Kjo do të jetë kulla më e re që do t’i shtohet Tiranës. 205 metër lartësi, projekti parashikon të ndërtohet me 58 kate dhe 7 kate nën dhe.
Kulla gjigante pritet të shërbejë për zyra, hoteleri e argëtim dhe plotëson kurorën e Sheshit “Skënderbej”, sikurse ishte parashikuar në planin francez vite më parë.
“Do të ketë disa hapesira, jo vetëm për zyra, por edhe për rezidencë, hoteleri dhe argëtim, që do të kompletojë kurorën rreth sheshit “Skënderbe”, ashtu siç ka qenë plani francez origjinal, ne përputhje me kërkesat gjithmonë e në rritje të një qyteti që këtë vit është Kryeqyteti Europian i Rinisë dhe vitin tjeter, me shprese do te jete Kryeqyteti Europian i Sportit”, tha kryebashkiaku Veliaj nq tetor kur u shpall kompania fituese për të ndërtuar projektin.
