Jamarbër Malltezi, dhëndri i ish-kryeministrit Sali Berisha dhe i pandehur në çështjen e njohur si “Dosja Partizani”, ka bërë një kërkesë të re për liri në Gjykatën e Lartë. Ai kërkon revokimin e masës së sigurisë “arrest në shtëpi”, që po e vuan që prej nëntorit 2023, tani që çështja ka kaluar për gjykim në Gjykatën e Posaçme kundër Korrupsionit dhe Krimit të Organizuar.
Malltezi kundërshton vendimet e marra më parë nga dy gjykatat më të ulëta, që kanë vendosur mbajtjen e tij në arrest shtëpie. Në rekursin drejtuar Gjykatës së Lartë, mbrojtja e tij i referohet edhe vendimit të Gjykatës Europiane për të Drejtat e Njeriut në rastin “Gëllçi kundër Shqipërisë”, ku u konstatua shkelje e të drejtave për mbajtje të zgjatur në paraburgim.
Në këtë bazë, avokatët kërkojnë që masa ndaj Malltezit të shfuqizohet dhe ai të lirohet.
