Moderatorja Valbona Mhilli ishte sot e ftuar në emisionin “Se Luan Topi” në Top Channel.
Valbona në intervistë foli për jetën e saj profesionale dhe personale.
Ishte një intervistë shumë emocionuese si për moderatoren ashtu dhe për të gjithë shikuesit.
Momenti më emocional ishte kur mamaja e saj i kishte dërguar një letër. Në letër e ëma e Valbonës kishte shprehur dashurinë e madhe për të madje dhe krenarinë që Valbona i kishte dhuruar në vitet e saj të karrierës.
Kur moderatorja dëgjoi letrës e së ëmës u prek ashtu si të gjithë shikuesit. Sakaq Valbona nuk nguroi ti dedikonte mamasë të saj disa fjalë zemre nga ekrani.
“Mami ishte shoqja e ngushtë e babit tim. Nëse babi do të linte një amanet para se të ndërronte jetë jam e sigurt që do të ishte që ne të kujdeseshim për mamin. Duke qenë që unë isha vajza e babit, mami im është pika ime e dobët. Mami do të jetë gjithmonë pranë meje dhe e falenderoj për çdo gjë që bën për ne. Të dua shumë mam.” – u shpreh Valbona e emocionuar.
Gjithashtu Valbona Mhilli nuk la pa përmendur që ndihet shumë e plotësuar në jetën e saj.
“Kjo është intervista ime më e bukur e jetës në 9 vite karrierë.” – përmbylli Valbona.
