TIRANË– Ministrja e Shëndetësisë dhe Kujdesit Social Ogerta Manastirliu ka bërë me dije këtë të enjte pas mbledhjes së qeverisë se me aktin e miratuar nga Këshilli I Ministrave, i hapet rrugë ofrimit të konsultave ambulatore nga mjekët, jashtë orarit zyrtar të punës, për pacientët jashtë sistemit të referimit. Ministrja shprehet se edhe pacientët mund të zgjedhin vetë mjekët që dëshirojnë të kryejnë konsultat, duke përcaktuar pagesa të tjera të përcaktuara nga bordi i spitalit. Por Manastirliu sqaroi se kjo do ndodhë vetëm në ato spitale që kanë autonominë spitalore dhe kartën menaxheriale.
Ogerta Manastirliu: Çelja e autonomisë spitalore. Akti që ka kaluar sot është për mundësinë e ofrimit jashtë regjimit të punës të përcaktuar nga punëdhënësi në regjistrat antiambulatorë. Është një akt i cili ka një praktikë dyfishe. Të gjitha spitalet që do të ecin me modelin e ri me kartën menaxheriale, do të kenë mundësi për instrumentin për praktika dyfishe. Pra kjo i lejon mjekët të kryejnë konsulta ambulatore jashtë sistemit të regjimit apo të referimit. Pra mundet të kenë mundësinë të konsultohen me mjekët që duan, duke përcaktuar pagesa të tjera të përcaktuara nga bordi i spitalit. Kjo do ndodhë vetëm në ato spitale që kanë autonominë spitalore dhe kartën menaxheriale.
