ITALI – Lajmi për prishjen erdhi nga edicioni online i Repubblica, pas ndeshjes së Italisë në Maltë: idilit mes Mancinit dhe Federcalcio i ka ardhur fundi. Marrëdhëniet minimale, trajneri i demotivuar dhe një ndarje e mundshme e afërt mes palëve.
Ndoshta pas “Final Four” të Nations League në mes të qershorit. Lidhja e PSG-së me trajnerin blu, pra, do të kthente në mënyrë të vendosur ekuilibrin e së ardhmes së Mancios drejt lamtumirës me skuadrën që çoi në pushtimin e Euro 2021.
Dëshira për të luajtur më në fund në një Botëror, pas eliminimit nga Katari 2022 nga Maqedonia e Veriut në ‘play-off’, nuk do të ishte një shtysë aq e fortë për ta mbajtur atë në stolin blu deri në skadimin e natyrshëm të kontratës në vitin 2026.
Paris Saint Germain, shumë më tepër se sugjerimi për një rikthim në Premierligë me Tottenhamin, do të ishte rasti i duhur për një lamtumirë të hershme me blutë. Klubi parizien e konsideron Mancinin njeriun më të përshtatshëm për të menaxhuar, si nga ana njerëzore ashtu edhe taktike, një grup kampionësh shumë teknikë.
Papunësia e njëkohshme e Contes, pas përfundimit të marrëdhënies me Spursin, me rrjedhojën e deklaratave për dëshirën për t’u vendosur për pak kohë në Itali, nuk mund të rinisë vetëm hipotezën e një kalimi të bujshme në krye të kombëtares.
Lotët pas humbjes në çerekfinale me Gjermaninë në Euro 2016 ishin imazhi i fundit i Contes blu, i cili që në fillim ishte i prirur të sqaronte dëshirën e tij për t’u rikthyer në kombëtare, herët a vonë. Kanë kaluar shtatë vite dhe ajo punë, të cilën ai e konsideroi të papërfunduar, mund të jetë sërish pjesë e jetës së trajnerit të Leçes.
Për Italinë, Conte do të ishte i gatshëm të heqë dorë nga një pjesë e mirë e pagës së tij dhe është një skenar shumë më i besueshëm, se ai po e vendos atë në stolat më prestigjiozë në Serie A.
Nëse Interi do të hiqte dorë nga Simone Inzaghi, do të fokusohej te De Zerbi, Roma dhe Juventusi do të vazhdojnë të mbajnë Mourinhon dhe Allegrin, ndërkohë që është e vështirë të mendohet për një kalim te Milani. Ndaj, për momentin, alternativa e vetme për vitin do të ishte pankina e kombëtares. Me kusht që Mancini të vendosë vërtet të largohet para kohe.
