TIRANË– Ka përfunduar pas më shumë se tre orësh diskutime seanca në Gjykatën Kushtetues ku po shqyrtohej mandati i deputetes Olkta Xhaçka, e cila njëherazi është dhe ministre e Jashtme. Gjyqtarët Kushtetues kanë dëgjuar të dyja palët, si Partinë Demokratike, e cila është dhe paditësja ashtu dhe palën mbrojtëse të deputetes Xhaçka dhe arsyetimet e Kuvendit të Shqipërisë. Siç e thotë dhe ligji anëtarët janë tërhequr për të marrë vendimin, i cili duhet të zbardhet brenda 30 ditëve nga data e sotme.
Sipas opozitës ministrja është në konfikt interesi pasi bashkëshorti i saj është shpallur investitor strategjik nga qeveria dhe ka përfituar tokë shtet në Dhërmi për ndërtimim e një resorti. Sipas avokatit të Xhaçkës, Genci Çifligu, shqyrtimi i papajtueshmërisë së mandatit në Gjykatën Kushtetuese është në tejkalim të afateve kohore të parashikuara në ligj dhe kësisoj “nuk përbën subjekt kushtetues”.
