TIRANË– Deputeti i Partisë Demokratike Oerd Bylykbashi duke folur jashtë Gjykatës Kushtetuese kërkoi që kjo e fundit ti heqë mandatin e deputetes ministres së Jashtme Olta Xhaçka. Ai tha se Kushtetuta e thotë qartë se deputetët nuk mund të përfitojnë nga paratë publike. Sipas tij nëse Gjykata Kushtetues nuk i heq mandatin shefes së diplomacisë së Jashtme shqiptare atëherë drejtësia do të shënonte disa hapa pas.
Oerd Bylykbashi: Kushtetuta ka një predispozitë shumë të qartë në mbrojtje të interesit publik. Asnjë prej deputetrëve nuk mundet që të ushtrojë një aktivitet fitimprurës apo të përfitojë nga pasuria e shtetit. Pasoja është humbja e mandatit të deputetit. Kushtetuesja e ka vendosur standardin për dy deputetë që kanë pasur përfitime shumë herë më të vogla se aq duke humbur mandatin. Është i vetmi sanksion që ka Kushtetuta. Kjo është bërë në mënyrë të qëllimshme për të parandaluar që deputetët të ushtrojnë pushtetin për t’u pasuruar në dëm të publikut. Precedenti është vendosur, nëse sot do të bjerë ky precedent, do të zhbëjë pikën 3 të nenit. Të 140 bashkëshortët e deputetëve dhe ministrave do të ushtrojnë përmes kamuflimit që të hyjnë të varfër dhe të dalin të pasur. është detyra dhe nderi që të mbrohet interesi publik. Gardiani i fundit është Gjykata Kushtetuese.
