TIRANË– Ministri i Drejtësisë Ulsi Manja deklaroi pas mbledhjes së qeverisë se në institucionet e vuajtjes së dënimit do të ketë amnisti por nuk specifikoi kategoritë përfituese. Po ashtu ai zgjodhi ti bëjë “bisht pyetjes” në lidhje me çështjen e Jani Rustemajt, të riut që vdiq në QSUT pas shoqërimit në Polici për vjedhjen e një tapetit. I riu qëndroi për disa javë në koma derisa vdiq pak ditë më parë. Familjarët akuzojnë Policinë për dhunë. Ministri tha se nuk do të komentojë një çështje që është nën hetim.
Ulsi Manja: Për amnistinë e kemi projektuar një proces për institucionet tona të vuajtjes së dënimit. Do të kemi një amnisti në institucionet e vuajtjes së dënimit, por se cilat do të jenë, do vendoset. Për sa kohë është duke u hetuar, ka disa kakofoni dhe refuzoj të flas. kemi përgjigje konkrete për secilin nga rastet dhe për secilin prej këtyre personave që kanë humbur jetën. Iu shpreh ngushëllime familjarëve. Edhe në këto qendra ndodhin aksidente njerëzore, por në përfundim të hetimit ftoj që të merren procedurat në rastin konkret.
