TIRANË– Ministri i Drejtësisë Ulsi Manja ka marrë pjesë ditën e sotme në mbledhjen e Komisionit të Ligjeve ku foli për shërbimin përmbarues publik. Gjatë fjalës së tij Manja tha se shërbimet aktuale kanë 55 mijë dosje stok që sipas tij nuk janë normale dhe duan përfunduar. Sipas ministrit një trupë prej 143 personave, do të kishte edhe ‘drunj të shtrembër’. Ai tha se edhe kur një përmbaruesi i hiqet licensa, ka probleme me dorëzimin e dosjeve.
Ulsi Manja: Është një projektligj që lidhet me funksionimin e shërbimit për gjyqësor shtetëror dhe përmbyllim reformimin e sistemit përmbarimor shtetëror por dhe në tërësi po të kemi parasysh dhe faktin që prej disa vitesh në Shqipëri funksionon shërbimi përmbarimor mbi baza private. Ky shërbim në tërësi, veçanërisht shërbimi përmbarimor shtetëror, paraqet një rëndësi të madhe sepse lidhet me procesin e rregullt dhe materializimin e të drejtave të fituara në gjykatë. Pra pa një shërbim përmbarimor efektiv, çdo reformë që ne kemi ndërmarrë për mirëfunksionimin e mirë të sistemit të drejtësisë nuk do të prodhonte rezultatet e duhura sepse me përmbarimin lidhet rivendosja e të drejtave të fituara në gjykatë nga qytetarët dhe bizneset. Një ndër problematikat më kryesore që kemi evidentuar në veprimtarinë e përmbaruesve gjyqësorë ka të bëjë me profesionalizmin dhe paanshmërinë. Nuk ka qenë në gjendje që të tërheqë përmbarues shtetërore të motivuar dhe të aftë për të përmbushur detyrën me profesionalizëm. Nëpërmjet këtij projektligji synojmë që të rrisim cilësisht ofrimin e shërbimeve përmbarimore shtetërore për qytetarët, do të zgjidhim disa nga problematikat e evidentuara në praktikë në lidhje me statusin e përmbarueseve, trajtimin e tyre dinjitoz për detyrën që kryejnë, organizimin dhe funksionimin e zyrave përmbarimore dhe krijohet një sistem i mirëfilltë karriere si përmbarues gjyqësor shtetërore. Reformimi i këtij shërbimi, paraqitet si domosdoshmëri në kuadër të garantimit të rritjes së cilësisë së ofrimit të shërbimeve nga përmbarimi shtetëror por dhe përmirësimin e mekanizmave kontrollues të ofruara te qytetarët. Ne kërkojmë që ky shërbim të përballojë volumin dhe ngarkesën e punës por nëpërmjet këtij projektligji, do të rrisim cilësinë e shërbimeve që ky përmbarim ofron për qytetarët por dhe të jetë konkurrues në treg. Në projektligj kemi parashikuar jo vetëm mënyrën e organizimit, sistemin e karrierës, por sa i përket ushtrimit të veprimtarisë, kemi paraparë të gjitha garancitë dhe shërbimet që ofron shërbimi përmbarimor mbi baza private. 55 mijë dosje stok që nuk janë ekzekutuar deri tani. Dhe kjo është një shifër shumë e madhe me numrin e përmbaruesve që kemiUnë nuk e kam miratuar udhëzimin që ka të bëjë me tarifat. Është detyrim që buron nga ligji mes dy ministrive. Po pse? Në 2017 qeveria teknike e asaj kohe miratoi një udhëzim të ri duke i rritur këto tarifa me 30%. Në 2018 u shfuqizua udhëzimi dhe dy ministrat e kohës miratojnë një udhëzim të ri me tarifat përmbarimore që i kthenin në nivelin e pranueshëm. Dhoma kombëtare e coi këtë udhëzim në shkallët e gjyqsorit. E humbi në shkallë të parë dhe apelin dhe është në shkallën e lartë. Dhoma kombëtare e përmbarimit ishte e detyruar të zbatonte udhëzimin e 2018. Përmbaruesit privatë vazhdonin me tarifat e 2017. Një pjesë zbatonin udhëzimin e 2018. Ndërkohë gjykata e lartë me një vendim të dhjetorit 2022 përfundimisht tha se lihet në fuqi vendimi i të dy shkallëve të jgyqsorit. Kështu sot përmbaruesit privatë janë të detyruar të aplikojnë ato tarifa. Por edhe ne jemi në kushtet kur ky udhëzim është i parishikuar brenda një logjike ekonomike. Ne nuk mund të pranojmë ato që propozojnë ata që janë të papërballueshme për xhepat e qyetarëve. Ata vazhdojnë me pretendimin se e kanë cuar në gjykatën kushtetuese, por vendimi i gjykatës së lartë e ka përfunduar këtë gjë. A ka problematika të tjera që lidhen me kufirin e veprimtarisë përmbarimore dhe shkeljes së ligjit? Unë nuk jam këtu sot për të dhënë një përcaktim të qartë për këtë por janë raste të denoncuara prej nesh. Kemi disa raste të përmbaruesve privatë që jo vetëm i kemi propozuar për heqje license dhe i kemi cuar në prokurori. Një problem që kemi me shërbimin përmbarimor është kur hiqet licensa apo merren masa kemi problem me dorëzimin e arkivave dhe dosjeve. Edhe këtë këkrojmë ta rregullojmë me ligjin që do të sjellim. Kam një arkive të tërë me dosjet e një kompanie përmbarimore që i është hequr licensa. Ky hërbim të jeni të bindur që do të jetë në shërbim të ligjit. Ka vullnet. Ka shërbime cilësore për qytetarët, por në 143 vetë padiskutim që ka druy të shtrembër. Por në tërësi ai shërbim i ka dhënë një frymëmarrje tregut dhe ka mundësuar ekzekutimin e titujve ekzekutivë.
