TIRANË– I ftuar në emisionin “Stay Tuned” me moderatoren Valbona Mhilli në MCN TV, kompozitori Mario Deda ka folur për muzikën dhe se sa ajo ka ndryshuar. Ai tha se muzika gjithmonë evolon por që sipas tij ka një revers për drejt primitives dhe nuk është duke u sofistikuar. Sipas tij, sot jemi duke bërë një muzikë sikur të zëvendësojmë thikën dhe pirunin me një gurë, pra sot jemi në epokën e gurit në muzikë.
“Ka ndryshuar dhe gjithmonë vazhdon evolon si të gjitha fushat e tjera, por duke qenë se është abstrakte si fushë dhe nuk shprehet dot me fjalë, ajo të bën përshtypje. Muzika ka një revers për drejt primitives, nuk është duke u sofistikuar, njerëzit nuk është se janë duke treguar inteligjencë në muzikë sot, auditori nuk është se duan inspirime apo kombinacione vërtet të rralla dhe unë përpiqem sado pak të përshtatem dhe pse nuk e bëj dot kollaj. Është primitive, ka linja melodike si në epokën e gurit, ka ritme si në epokën tribale, fiseve pa një sofistikim të gjerë, ka arritur pikën në shek 17, 18, dhe për dy shekuj e kemi rikthyer dhe njëherë 4 mln vjet prapa. Sot jemi duke bërë një muzikë sikur të zëvendësojmë thikën dhe pirunin me një gurë. Sot jemi në epokën e gurit në muzikë”.
