TIRANË– Natën e të dielës mbrëma kur lokali në pronësi të tij do sulmohej me armë dhe banakierja Mimoza Paja do të vritej ndërsa pesë të tjera mes të cilëve dhe mbesa e mitur e viktimës u plagosën Fatjon Murati një person me precedentë penal që duhet të ishte me arrest shtëpie në fakt ishte jashtë Shqipërisë. Mësohet se më 19 janar 2023, Fatjon Murati ka dalë nga pika kufitare e Morinës edhe pse do të duhet të ishte në Shqipëri, për të vijuar gjykimin për armëmbajtje pa leje.
Pala shqiptare ka bërë vulosjen e daljes, e cila është e regjistruar në sistemin TIMS. Murati ka dalë më 19 janar dhe u kthye disa ditë më vonë. Ajo që është e paqartë është mënyra sesi policia, që është përgjegjëse për ruajtjen e personave në masën e arrestit shtëpiak nuk ka mundur dot të verifikojë lëvizjet e Muratit, që ka arritur të dalë edhe jashtë vendit.
Raportohet se shënjestra e sulmit me armë ka qenë vetë Murati por atentatorët ngatërruan shënjestrër dhe vranë një të pafajshme. Mësohet se ai ka qenë në Shqipëri deri dy ditë para masakrës së Don Boskos,
Atentati mafioz ndodhi mbrëmjen e 12 marsit në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
