ITALI– Detaje të reja janë zbardhur në lidhje me vrasjen makabre të ndodhur dy ditë më parë në Itali, ku 45-vjeçari Taulant Malaj masakroi me thikë vajzën 16-vjeçare, një italian që dyshonte se kishte lidhje me gruan dhe këtë të fundit e plagosi rëndë. Mediat italiane shkruajnë se djali 5-vjeçar i familjes ka shpëtuar pasi ishte fshehur mbas divanit në sallon ndësrsa ka dëgjuar të gjithë skemën e krimit ku e motra ulëriste për ndihmë teksa goditej me thikë nga i ati. Ai u gjet në gjendje të rënduar psikologjike nga karabinerët ndërkohë pas trajtimit mjekësor dhe vizitave ai u mor në shtëpi nga xhaxhai i tij.
Si të mos mjaftonte krimi, Taulant Malaj nga Selenica e Vlorës pasi kreu masakrën nisi të filmoi italianin Massimo De Santis, vajzën dhe gruan e plagosur dhe videon ua dërgoi shokëve. Në video shprehej se do i therte sërish ndërsa i drejtohej me fjalë banale gruas. Në një moment të video ai dëgjohet seksa kërkon të dijë ku është djali pasi donte ta vriste. Sipas tij gruan e la të gjallë pasi donte që ajo të vuante.
Dëshmitë e tij para hetuesve të ngjarjes kanë qenë kontradiktore. Këtë të hënë shkruajnë mediat italkiane ai ka thënë se vajzën nuk e ka vrarë pa dashje siç u raportua por me vetëdije të plotë pasi dyshonte se dhe e bija kishte lidhje me italianin. Pasi masakroi 20 herë me thikë në shkallët e pallatit De Santis ai hyri në banesë dhe goditi për vdekje të bijën Gessica Malaj. Më pas plagosi të shoqën. Pas ngjarjes ai u largua nga banesa por më kot pasi u neutralizua nga karabinerët. Ngjarja e rëndë ka tronditur zonën, të cilët gruan dhe vajzën i përshkruan si të qeta.
