TIRANË– Një ditë pas vetëdorëzimit të tij në polici, Axel Hoxha autori i vrasjes me thikë i Stivens Toshkesit ka dhënë këtë të premte dëshminë e tij para hetuesve ku ka treguar dhe dinamikën e ngjarjes dhe versionin e tij për të. Kështu mësohet se ai ka deklaruar se nuk kishte për qëllim ta masakronte me thikë 21-vjeçarin dhe se thikën e kishte rastësisht me vete atë ditë. Po ashtu Hoxha ka deklaruar se katër muaj para ngjarjes viktima e kishte dhunuar pas një konflikti mes tyre.
Pra hetuesve ai ka folur dhe për ngacmimet që i ka bërë të dashurës së Stivens Toshkesit, gjë që dyshohet të jetë dhe “molla e sherri” mes të rinjve. Por këto akuza i riu i ka mohuar para policisë duke thënë se komunikimet me vajzën ishin të pashmangshme pasi ata ishin në të njëjten klasë. Natën e ngjarjes thotë Hoxha Stivensin e ka parë rastësisht në rrugë dhe ka dashur të bisedoj me të por sherri agravoi.
Axel Hoxha: Komunikimin dhe takimet me vajzën ishin të pashmangshme për arsye se ishin në të njëjtën klasë. Qëllimi ka qenë të bisedonin.
Stivens Tosheksi u masakrua me thikë nga Axel Hoxha në rrugën ‘4 Dëshmorët’ në kryeqytet, pranë gjimnazit “Partizani” në Tiranë. Ngjarje e rëndë ndodhi pak pas mesantës. Shkak për konfliktin dyshohet të jetë bërë një vajzë pasi Hoxhaj kishte ngacmuar të dashurën e Toshkesit. Ky i ffundi dy javë para ngjarjes e kishte rrahur Axel Hoxhës në “Rrugën e Elbasanit”. Këtij të fundit nuk i ka dalë inati duke i zënë pritë 21-vjeçarit bashkë me shokun e tij. Toshkesi nuk i mbijetoi dot plagëve të marra duke ndërruar jetë në duart e bluzave të bardha. Hoxhaj u dorëzua ditën e djeshme në polici pas arratisjes disa ditore.
