FIER– Një person ka rënë në prangat e policisë së Fierit ndërkohë dy të tjerë janë vënë nën hetim pasi akuzohen për vepra të ndryshme penale. Blutë e Fierit në një njoftim zyrtar bëjnë me dije se është arrestuar një 30-vjeçar, i cili ishte shpallur në kërkim për mashtrim. Ai i kishte makinën një tjetër personi dhe nuk ia kishte kthyer më. Ndërsa nën hetim janë vënë dy persona pasi gjatë një ndeshjeje futbolli, në stadiumin “Adush Muça”, kanë hedhur sende plastike, në drejtim të arbitrit.
NJOFTIMI I POLICISË:
Fier/Specialistët për Hetimin e Krimeve të Komisariatit të Policisë Fier ndaluan shtetasin e shpallur në kërkim S. K., 30 vjeç, banues në Fier, pasi përmes mashtrimit, i ka marrë një shtetasi, automjetin dhe nuk ia ka kthyer më.
Mallakastër/Specialistët për Hetimin e Krimeve të Komisariatit të Policisë Mallakastër referuan materialet në Prokurori dhe nisi procedimi në gjendje të lirë për shtetasit S. B., 27 vjeç dhe L. R., 22 vjeç, të dy banues në Ballsh, pasi gjatë një ndeshjeje futbolli, në stadiumin “Adush Muça”, kanë hedhur sende plastike, në drejtim të arbitrit. Materialet procedurale i kaluan Prokurorisë, për veprime të mëtejshme.
