DIBËR – Një ngjarje e rëndë ka ndodhur mesditën e kësaj të diele rreth orës 14:50 në qytetin e Burrelit, ku dy vëllezër janë plagosur me thikë nga disa persona. Vëllezërit e identifikuar si Ardit Hysa, 22 vjeç dhe Kristin Hysa, 19 vjeç kanë marrë ndihmën e parë në spitalin e Burrelit, dhe janë transportuar me urgjencë me helikopter drejt spitalit të Traumës, ku kanë mbërritur dhe i janë nënshtruar një ndërhyrje kirurgjikale. Policia ka nisur krehjen e zonës për kapjen dhe vënien në pranga të autorit të ngjarjes
NJOFTIMI I POLICISË
“Rreth orës 14.50, në qytetin e Burrelit, në vendin e quajtur “Kryqëzimi i Koliqit”, në rrethana ende të paqarta, dyshohet se gjatë një konflikti të çastit, janë dëmtuar me mjet të mprehtë (thikë) shtetasit A.K dhe K.K., banues në Burrel, të cilët janë dërguar për ndihmë mjekësorë në spital. Në vendngjarje kanë shkuar menjëherë shërbimet e policisë, dhe vijon kontrolli i zonës për kapjen e shtetasit G.B., i cili dyshohet se ka goditur me thikë dy vëllezërit”
