TIRANË– Ministrja e Arsimit Evis Kushi gjatë një konference të mbajtur për maturën shtetërore këtë të hënë, ka bërë me dije se nxënësit me aftësi ndryshe do t’i nënshtrohen një provimi mature me një nivel më të ulët vështirësie në krahasim me provimin që japin maturantët e tjerë
“Këtë vit i kemi kërkuar QSHA dhe së shpejti do të hartojë teste të veçanta të një shkalle vështirësie më të lehtë për maturantë që konstatohen me aftësi ndryshe sipas një komisioni të veçantë.
Ndërkohë Kushi është shprehur më tej se duke nisur që nga ky vit akademik të eleminohen edhe fletë-përgjigjet nga testi.
Po ashtu një kërkesë nga maturantët dhe mësuesit është heqja e fletë-përgjigjes se shkaktonte konfuzion edhe te maturantët por ndonjëherë edhe ngatërresa në korrigjime. Fletë-përgjigja nuk do të jetë më dhe rrisim garancinë që cilësia e korrigjimit do të jetë më e lartë”
Ministrja Kushi tregoi se maturantët që duan të studiojnë mjekësi, nisur nga viti do t’i nënshtron një testi të informatizuar dhe do të kenë mundësi të ankimojnë testin nëse mendojnë se nuk është korrigjuar drejtë.
