Pak ditë ndajnë klasat e 12-ta nga provimet e maturës. Provime të cilat ndryshe nga herët e tjera do të zhvillohen në hapësira të mëdha gjithashtu procesi do të monitorohet nga kamera. Mjediset e provimeve duhet të jenë të mjaftueshme për të paktën 150 nxënës që duhet të vendosen në largësi jo më pak se 1.2 metra.
Ky ndryshim i rregullores së maturës ka ndarë gjimnazistët, disa e vlerësojnë si pozitive metodën e re, ndërsa të tjerë pëlqejnë atë të mëparshmen.
Maturantët do të testohen fillimisht në testin e anglishtes më 1 qershor,6 ditë më pas në lëndën e gjuhës shqipe e letërsisë, ndërsa në 13 qershor do të zhvillojnë provimin e matematikës dhe e mbyllin 3 vitet e gjimnazit duke testuar njohuritë në lëndën me zgjedhje në 19 qershor.
Këtë herë ata kanë të drejtën të kërkojnë rivlerësimin e tezës.
