Qyteti i Korçës i cili njihet për serenatat, ka mirëpritur Festivalin Kombëtar të Komedisë, i cili bëri bashkë trupa artistike profesioniste nga të gjitha trevat shqipfolëse. Festivali është çelur me trupën e teatrit të Korçës e cila solli për publikun komedinë e Shekspirit “Nata e 12” me regji të regjisorit grek Dimitris Millona. Ky Festival do të mbahet përgjatë 8 ditëve dhe në komeditë e zgjedhura do të performojnë trupat vendase por edhe ato nga Kosova dhe Maqedonia e Veriut. Ky edicion i dhjetë i Festivalit të Komedisë erdhi i shoqëruar edhe me një ekspozitë interesante të rrugëtimit gati një shekull të komedisë vendase. Koleksionisti Migen Shamblli ka mbledhur në familjet korçare bileta dhe fletëpalosje të shfaqeve teatrale prej vitit 1925. Pas përfundimit të Festivalit do të jetë juria, ajo që do tshpërndajë çmime për performancat më të mira.
