TIRANË– Partia e Lirisë, këtë të shtune në protestën e thirrur nga PD, ka vendosur që të paraqesë një zarf të zi si ai i “Big Brother Albania VIP 2”. Pak më parë, Partia e Lirisë ka publikuar një video në Tik-Tok, ku të rinjtë e PL-së kanë ironizuar Ramën, ndërsa në sfond dëgjohet kolona zanore e përdorur nga “BBV AL”, pikërisht nga momenti kur moderatorja Arbana Osmani zbulon emrin e personit të eliminuar nga shtëpia.
“Presim zarfin e zi për komunikimin final. Populli i Lirisë ka vendosur se personi që duhet të lërë menjëherë Shqipërinë duke hequr dorë përfundimisht nga vjedhja dhe shkatërrimi i vendit është…Edi Rama,”-dëgjohet në videon e publikuar në rrjetet sociale të Partisë së Lirisë.
Reality Show “Big Brother VIP Albania” nuk është hera e parë që përdoret politikisht nga opozita, pasi kreu i PD Sali Berisha ka përmendur në daljet e tij në media disa herë një ndër banorë më me popullaritet në “BBV AL” Luiz Ejllin, i cili me çfarë kemi parë në shtëpinë “VIP”, ky i fundit është simpatizant i “palëkundur” i Sali Berishes.
