TIRANË– Pas tensioneve të ashpra në mbledhjen e Kryesisë së Partisë Demokratike që agravoi në dhunë verbale ndaj deputetëve nga mbështetësit e tij ka reaguar ish-kryedemokrati Lulzim Basha. Përmes një postimi në rrjetet sociale Basha shkruan se se fryma e debatit konsdtruktiv në mbledhjen e Kryesisë është shenjë e qartë e një reflektimi të thellë. Në fund të reagimit të tij Basha shkruan se “refuzon çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas”.
REAGIMI:
Fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike. Nuk ka gjë më demokratike se mendimet e ndryshme në një forum politik. Debatet dhe mendimi ndryshe duhen respektuar nga të gjjthë. Vlerat demokratike që na drejtojnë në këtë rrugëtim të vështirë për ne demokratët nuk mund të cënohen nga asnjë individ. Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas.
3/3 Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas.
— Lulzim Basha (@lulzimbasha_al) June 7, 2023
