TIRANË– Deputeti i Partisë Demokratike Ervin Salianji ka folur sërish për situatën në PD dhe nismën për të mbledhur firmat e deputetëve që duhen për të shkarkuar Enkelejd Alibeajn nga detyra e kreut të grupit parlamentar. Ai tha se kjo nuk është një nismë vetëm e tij por e disa kolegëve që sipas tij duan bashkimin e Partisë Demokratike. I ndalur tek raporti me kryedemokratin Sali Berisha, Salianji tha se është korrekt dhe shtoi se nga ana e kreut të PD ka një tentativë për lëshim në funksion të arritjes së bashkimit. Sai përket Lulzim Bashës Salianji deklaroi se ai nuk është larguar kurrë nga PD pasi sipas tij nuk ka një dokument dorëheqjeje të dërguar në gjykatë si dhe paralajmëroi një projekt të ri politik nga Basha që konsistoon me hapjen e një partie të re që sipas tij do e dëmtonte Partinë Demokratike.
Pjesë nga biseda në studio:
Ervin Salianji: Ka qenë një nismë për bashkim, ndaj gjatë të gjithë kohës nuk kam mbajtur një qëndrim se nuk mund të flihet vetëm për persona kur duhet të gjejmë çdo mënyrë për bashkim. Ka pasur propozime nga kolegët, që mund të ishte një nga mundësitë për bashkim por nuk është biseduar vetëm emri im. Nuk do të flas derisa të arrihet një zgjidhje për bashkim. Unë jam në dispozicion edhe të lë mandatin dhe të marr përgjegjësinë nëse do jetë nevoja.
Nuk jemi më në kushtet kur bëhet fjalë për numra, por do tu japim kohë kolegëve për të reflektuar se cila është mënyra për tu bashkuar.
Pyetje: Do arrihej bashkimi nëse do jeni ju në krye?
Ervin Salianji: Ndaj them nuk flas sepse nuk varet nga unë. Shoh një përpjekje për bashkim. Këtë herë kemi një grup më të madh të grupit që mbështesin në terren kandidatët e Primareve, konsensusi do të jetë i gjerë. Nuk do merren akte të njëanshme për të treguar kush ka shumicën. Kohë ka. Do të nisë para fushatës. Nëse nuk do ketë konsensus dhe do i qëndrohet tentativa ve për uzurpimin e pozicioneve të caktuara, pa dyshim do të ketë masa. Berisha po bën një lëshim për të arritur konsensusin, ka tentativa për ta bashkuar PD dhe për ta bashkuar me opozitën.
Pyetje: Pas vendimeve të Alibeajt qëndron Basha?
Ervin Salianji: Nga dita e parë kur është detyruar të largohet, kur ka dhënë një dorëheqje të detyruar, Basha nuk ka pasur një dorëheqje, nuk çon as shkresën për tu dorëhequr si kryetar partie në gjykatë. Do konfirmohet shumë shpejt se janë në një projekt për të hapur një parti të re, që nuk i shërben PD. Cilido që ka ambicie politike, përfshirë edhe Bashën që mori një PD të madhe dhe la një PD të vogël, le të hapë një parti të vetën. Kam pasur një mbështetje të fortë për Bashën, por nuk mund të jem miop dhe të shoh që ka një realitet tjetër. Secili duhet të ripozicionohet, por nuk mund të mbahet peng partia dhe opozita për ambicie. Iu dhanë shumë mundësi.
Pyetje: Keni komunikim me Bashën?
Ervin Salianji: Ne që kemi marrë iniciativën për bashkim, do takonim edhe Bashën si anëtar i grupit parlamentar, por nuk mundëm sepse sa doli fjala u morr vendimi për përjashtimin e katër deputetëve nga grupi.
