TIRANË– Deputeti i Partisë Demokratike Gazment Bardhi ka folur për mediat pas përfundimit të mbledhjes së grupit parlamentar të Partisë Demokratike. Gjatë fjalës së tij Bardhi la të hapur shtegun e komunikimit me grupin e deputetëve që mbështesin Sali Berishën ndësra sipas tij përçarja e PD solli dhe rezultatin katasttrofik që mavijosi hartën nga veriu në jug. Në mbledhje mungonin disa deputetë mes tyre dhe Enkelejd Alibeaj dhe Lulzim Basha. Bardhi në fund deklaroi dhe qëndrimin zyrtar të mbledhjes së grupit që sipas tij vë theksin tek bashkimi i demokratëve.
Gazment Bardhi: Mbledhja për vlerësimin e situatës në PD. Është e vetmja trupë brenda PD-së që ka bërë thirrje për bashkim dhe mos përçarje në PD. Nuk paragjykoj asnjë vendim të PD-së. Kjo nuk është çështje as të njëanshme as me kokëfortësi. Duhet të që PD të bëhet forcë alternative qeverisëse për zgjedhjet ardhshme. Unë kam një detyrë dhe përgjegjësi për drejtimin e partisë. Emrat e kryesisë secili prej kolegëve tuaj është njohur me listën e anëtarëve të kryesisë. Alibeaj nuk ka qenë sot. Në mbledhjen e fundit ka qenë i pranishëm. Ka një detyrim statutor, ajo që unë di t’ju them është se funksionari më i lartë drejtues i partisë për momentin është Tabaku. Unë nuk paragjykoj asnjë njeri. Detyra e të gjithëve është forcimi i partisë demokratike dhe bëra e PD forcë qeverisëse në zgjedhjet e ardhshme. Nëse do të vijojmë me proceset përçarë do të ishte një gabim historik.
Pyetja– Rikthimi i Bashës ka tmerruar Berishën?
Gazment Bardhi– Për këtë do duhet të pyesni aktorët që ju përmendi.
Pyetja: A jeni i gatshëm që të takoni ballë për ballë me Berishën? A është kjo vija e kuqe apo tejkalohet?
Gazment Bardhi: Unë jap përgjigje siç unë dua ta jap. Platforma do të jetë publike, nëse ka apo jo vija të kuqe, pyetjes tuaj i kam kthyer përgjigje më shumë se 1 herë publikisht. Nuk kam kompleks që të ulem me cilindo, kur jam ulur me kundërshtarin tim Ramën, nuk kam komplekts që të ulem me të partisë time. Na jepmi më shumë kohë për të normalizuar raportet me njëri-tjetrin.
Pyetje: Pse mungoi Alibeaj?
Gazment Bardhi: Nuk kam komunikuar me të. Më lejoni t’ju sqaroj se në mbledhjen e fundit ishte prezent. E ka pranuar Tabaku propozimin tuaj? Ajo që di t’ju them në bazë të statutit është funksionarja Tabaku.
Pyetje: Berisha nuk e njeh si kreun e gr.parlamentar?
Gazment Bardhi: Ajo që unë gjykoj se është e rëndësishme, është gjuha përçarëse dhe ndasitë. Për mua ky është rrezik për Shqipërinë. Grupi parlamentar po gjen dhe po punon zgjidhje, më pas secili bën zgjedhjen e tij.
Pyetje: Ka komunikim mes jush dhe deputetëve që mbështesin ata që mbështesin Berishën?
Gazment Bardhi: Unë kam patur dhe ruaj marrëdhënie korrekte dhe personale me të gjithë, a diskutojmë ne sa herë takohemi. Po, patjetër.
Pyetje: Përfshin platforma juaj një drejtim kolegjial?
Gazment Bardhi: Është e thjeshtë, synon një gjë të bashkojë PD.
Qëndrimi i Grupit Parlamentar të PD:
Duke analizuar me përgjegjësi maksimale rezultatin e zgjedhjeve të 14 Majit dhe pasojave që ka sjell ky rezultat për të ardhmen e Shqipërisë dhe interesin publik; Duke qenë të ndërgjegjshëm për atë që qytetarët shqiptarë dhe anëtarët e Partisë Demokratike në veçanti presin nga përfaqësuesit e tyre dhe nga Partia Demokratike;
Duke qenë përpara një qeverisje që ka minuar zgjedhjet e lira dhe të ndershme, përmes metodave të kundërligjshme, që mund të arrihen të kapërcehen vetëm përmes angazhimit të shumicës së heshtur të shqiptarëve që kanë humbur besimin tek politika;
Duke vijuar në të njëjtën linjë konstruktiviteti, që ka në themel vetëm interesin më të mirë të Partisë Demokratike dhe të Shqipërisë, sic është vepruar edhe me qëndrimet e Grupit Parlamentar të datave 22 Mars 2023, 16 Prill 2022, 31 Tetor 2022 apo 6 Mars 2023;
Duke qëndruar të palëkundur në bindjen se partneriteti strategjik me Shtetet e Bashkuara të Amerikës, Britaninë e Madhe dhe vendet e Bashkimit Europian, është e vetmja rrugë për forcimin e Partisë Demokratike;
Duke ripërsëritur apelin se lufta e brendshme në Partinë Demokratike dobëson opozitën dhe se situata kërkon që secili të tejkalojë interesin e vet ngushtësisht personal, për të ofruar dhe gjetur zgjidhje në interes të përbashkët të të gjithë opozitarëve dhe cdo qytetari të ndershëm që pret dhe kërkon ndryshimin në vend;
GRUPI PARLAMENTAR I PARTISË DEMOKRATIKE, SHPREH QËNDRIMIN SI MË POSHTË:
1. Ndasitë në mendime dhe qëndrime për çështje të ndryshme brenda Partisë Demokratike nuk duhet të shfokusojnë partinë nga misioni i saj për t’u bërë alternativë qeverisëse. Në këtë kuadër, është emergjente ndërprerja e menjëhershme e çdo sulmi, shpifje apo gjuhe urrejtje ndaj çdo anëtari të partisë apo cilido që mendon ndryshe.
2. Riorganizimi i Partisë Demokratike të Shqipërisë, me synim bashkimin e demokratëve, forcimin e partisë dhe ndërtimin e një partie moderne, gjithëpërfshirëse dhe që krijon besimin tek shumica e qytetarëve shqiptarë, duke angazhuar dhe afruar individë me reputacion dhe që i shërbejnë mbrojtjes së interesit publik.
3. Krijimin e një grupi pune përbashkues për ndjekjen dhe realizimin e procesit të riorganizimit, sipas një plani të qartë, transparent dhe gjithëpërfshirës, që ndjek këto hapa:
– Hapi i parë: Hapja e partisë dhe certifikimi i anëtarsisë aktuale;
– Hapi i dytë: Fillimi i procesit të zgjedhjeve në nivel seksioni, grupseksioni dhe dege;
– Hapi i tretë : Procesi i zgjedhjes së kryetarit të Partisë.
4. Grupi i Punës që bën edhe drejtimin politik ngre grupe pune në nivel qarku për nisjen e një fushate ndërgjegjësuese në bazë me qëllim bashkimin mes demokratëve, si dhe fuqizimin dhe organizimin e partisë pa asnjë paragjykim dhe duke shmnagur cdo rrethanë apo faktor ndarës.
5. Grupi Parlamentar i Partisë Demokratike nuk mbështet asnjë proces organizimi të nxituar, të njanshëm, që nxit përçarjen dhe thellon ndasitë brenda Partisë Demokratike. Procesi duhet të synojë vetëm forcimin dhe eleminimin e debateve destruktive brenda partisë. Për këtë qëllim, duhet të tentohet ndihma, mbështetja dhe konsultimi me Partitë Popullore Europiane dhe partitë simotra.
