TIRANË– I është drejtuar sërish Gjykatës së Posaçme me kërkesën për ndryshimin e masës së sigurisë për shkak të gjendjes shëndetësore Arben Dervishaj, zëvendëspresidenti i FSHF-së, po ashtu biznesmeni që mbikëqyrte punimet i inceneratorit të Fierit. Ky i fundit akuzohet se paraqiste raporte fiktive në ministritë e linjës.
GJKKO pranoi kërkesën për caktimin e ekspertëve mjekësor që do të përcaktojnë rrezikshmërinë për të qëndruar apo jo prapa hekurave, ndërkohë dhe avokatët e tij pretendojnë se Dervishaj vuan nga probleme shëndetësore, ku këtë të hënë janë paraqitur tre mjekët ekspertë për të bërë vlerësimet e tyre.
Prokuroria Kundër Korrupsionit dhe Krimit të Organizuar, përfundoi disa javë më parë hetimet në lidhje hetimet per ndertimin e inceneratorit të Fierit, dhe dërgoi në gjykatë dosjen e me 21 të pandehur, mes tyre Lefter Kokën, ish-deputetin Alqi Bllako, Arben Dervishaj etj, ku Dervishaj u la në qeli më 29 dhjetor nga Apeli i Posaçëm Kundër Korrupsionit dhe Krimit të Organizuar.
