“Ishim tre në këtë martesë”-ishte kjo fraza e pavdekshme që princeshë Diana citoi gjatë intervistës së saj në BBC me Martin Bashir në vitin 1995 dhe pati goxha jehonë.Me anë të kësaj fraze princesha aludonte marrëdhënien e Charles me mbretëreshën e tanishme Camilla. Gjërat midis Charles dhe Dianës dukej se nuk po shkonin aspak mirë, por ishte Mbretëresha ajo e cila do të vendoste mbi të ardhmen e martesës së tyre. Ajo dërgoi një letër ku kërkonte në mënyrë të vendosur divorcin e tyre. Ky vendim i saji erdhi pas konsultimit me kryeministrin John Major dhe Kryepeshkopin e Canterbury George Carey. Letra kishte këtë përmbajtje:
“Jam konsultuar me Kryepeshkopin e Canterbury-t dhe me kryeministrin dhe, natyrisht, me Charles, dhe ne kemi vendosur që rruga më e mirë për ju është divorci”
Sigurisht që me marrjen e kësaj letre princeshë Diana u zemërua sepse asaj i duhej që të pranonte një divorc të cilin nuk e kishte kërkuar aspak ajo. Pak ditë më vonë pas letrës së Mbretëreshës Buckingham Palace zyrtarizoi divorcin, duke shprehur këndvështrimin e Mbretëreshës, ky i fundit I mbështëtur nga duka e Edinburgut se një divorc i shpejtë ishte i dëshirueshëm duke pasur parasysh rrethanat mbizotëruese. Ishte data 28 gusht 1996 që shënoi fundin e martesës mbretërore. Pas divorcit të saj nga Charles, princeshë Diana mori një shumë të përgjithshme prej 17 milionë paundësh së bashku me 350,000 £ vjetore për zyrën e saj private, dhe ajo mbajti rezidencën e saj në Pallatin Kensington.
Gjithashtu Dianës iu hoq tituli i saj i Lartësisë së saj Mbretërore dhe pas atij momenti ajo do të njihej si Diana, princesha e Uellsit.
Fatkeqësisht jeta e Dianës do të ndërpritej në një aksident fatal automobilistik në Paris më 31 gusht 1997, vetëm një vit pas përfundimit të divorcit, së bashku me partnerin e saj Dodi Fayed.
