Napoli do të jetë i detyruar që të mos ketë në dispozicion një nga futbollistët kryesorë të këtij super sezoni të skuadrës jugore dhe motivi nuk ka të bëjë me futbollin.
Kim Min-jae do të fillojë shërbimin e detyrueshëm ushtarak në Korenë e Jugut në qershor. Mbrojtësi i Napolit do të qëndrojë në vendlindje për tre javë për t’iu nënshtruar stërvitjes bazë ushtarake dhe do të kthehet në korrik, pavarësisht se ka marrë një përjashtim për meritë sportive falë medaljes së fituar në Lojërat Aziatike 2018.
Falë atij suksesi, Kim, ashtu si shoku i kombëtares së Tottenhamit, Son, arriti të marrë ‘zbritje’ në krahasim me 21 muajt e parashikuar, por shërbimi ushtarak duhet t’a bëjë gjithsesi pasi në Korenë e Jugut askush nuk mund të përjashtohet nga obligimi militar.
Një zyrtar lokal konfirmoi përfitimet që do të gëzojë Kim dhe mbi të gjitha se do t’i duhet të hyjë në qendrën stërvitore në qershor, por jo datat e sakta.
Në thelb e njëjta gjë që ndodhi me Son të Tottenhamit në maj 2020, në mes të pandemisë së koronavirusit, i cili u dallua si një nga gjuajtësit më të mirë në batalionin e tij.
Kim me siguri do t’i mungojë angazhimet me kombëtaren e tij në qershor, por ai duhet të jetë rregullisht në dispozicion të Spallettit për fazën stërvitore verore.
