Ditën e sotme pritet të mbahet seanca në Gjykatën e Posacme lidhur me kryebashkiakun e zgjedhur të Himarës, Fredi Beleri i arrestuar për krime zgjedhore. Është parashikuar që seanca të mbahet në orën 12:00, ku trupi gjykues pritet të vlerësojë në seancë paraprake nëse dosja e Fredi Belerit do të kalojë për gjykim, do i kthehet prokurorisë, apo do marrë vendim për pushimin e cëshjtes.
Avokatët e Belerit pretendojnë se klienti i tyre mbahet padrejtësisht në burg.
Beleri u arrestua vetëm dy ditë përpara datës kur do të votohej për të zgjedhur kryetarët e rinj të bashkive. Ai ishte kandidat i koalicionit “Bashkë Fitojmë” përballë kryebashkiakut socialist të Himarës, Jorgo Goro, që garoi për mandatin e tij të katërt. Megjithëse i arrestuar, Beleri u shpall fitues i zgjedhjeve të 14 majit për Himarën.
