TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka mbyllur hetimet për ish-kryetarin e Gjykatës Kushtetuese Bashkim Dedja dhe kërkon 1 vit burg. Sipas SPAK Dedja ka fshehur në deklarime një apartament të ndodhur në kompleksin “Ormars”, Kryemëdhenj, Golem, si dhe akuzohet se ka bërë deklarim të rremë të burimit të krijimit të apartamentit në Tiranë me sipërfaqe 146 m2, lidhur me një hua të marrë nga kunati i tij.
Ndaj tij zyrtarisht rezulton akuza e “Fshehjes dhe mosdeklarimit të pasurisë”. Prej vitit 2020 Bashkiim Dedja është vënë në “lupën” e Prokurosisë së Posaçme ku i është hetuar pasuria dhe të ardhurat. Në përfundimin të hetime sipas SPAK Dedja nuk justifikon njjë sërë pasurish të paluajtshme dhe të ardhura në vlera monetare.
