TIRANË– Ka përfunduar me balotazh procesi i primareve në bashkinë e Tiranës. Kështu pas përfundimit të numërimit të votave Belind Këlliçi i radhitur i pari në këtë garë me 4040 vota por pa mundur të kalojë kufirin e 50 përqindëshit do të jetë sërish në garë më datë 11 dhjetor por këtë herë vetëm përballë doktorit Ilir Alimehmeti, i cili u radhit i dyti me 2196 vota.
Procesi i numërimit të votave u zhvillua në selinë e Partisë Demokratike dhe gjithçka u transmetua drejtëpërdrejtë për publikun. Procesi i primareve nisi në orën 08:00 të mëngjesit të djeshëm dhe u mbyll në orën 18:00. Tashmë gara mes deputetit Belind Këlliçi dhe mjekut Ilir Alimehmetit do të zyrtarizojë dhe emrin fitues të opozitës, i cili në zgjedhjet e 14 majit do të jetë përballë kryebashkiakut socialist Erjon Veliajt.
