TIRANË– Është mbyllur protesta e opozitës e organizuar përpara parlamentit në të njëjten kohë që në brenda tij zhvillohej seanca plenare. Pas përfundimit të seancës, e cila u ndërpre për shkak të tensioneve të krijuara kreu i PD Sali Berisha iu bashkua protestuesve jashtë parlamentit ku dhe njoftoi mbylljen e tubimit. Ai falenderoi protestuesit si dhe ripërsëriti akuzat ndaj kryeministrit Edi Rama. Në fund ai u nis për në selinë blu ku u shoqëruar nga demokrat të cilët i përshëndeti në hyrje të saj. Ndërkohë të enjten është paralajmëruar një tjetër protestë.
Sali Berisha: Parlamenti dëshmoi se çfarë përfaqëson sonte. U detyruan të lënë parlamentin dhe të largohen, sepse e vërteta është se janë shumë më afër me bandat dhe krimin se sa me tempullin e demokracisë. Kjo betejë do të vazhdojë, do të vazhdojë deri në fitoren e plotë të revolucionit demokratik, mbi monizmin e bazuar në krimin, drogën, e Edi Ramës. Edhe njëherë mirënjohje të pakufishme. Rrofshi ju, rroftë Shqipëria!
