TIRANË– Deputeti i Partisë Demokratike Ervin Salianji ka reaguar ashpër ndaj kryeministrit Edi Rama të cilin e akuzoi se mbylli seancën parlamentare sikur ta kishte dyqan personal. Sipas Salianjit frika e madhe e Ramës nga provat e reja që do të dilnin për përfshirjen e tij në korrupsion me ish-agjentin e FBI-së Charles McGonigal dhe lidhjet me oligarkun rus bënë që Rama ti mbyllte gojën opozitës siç ka bërë me deputetët e tij. Në një postim në Facebook deputeti demokrat shprehet se kryeministri dhe qeveria e tij janë përfshirë në aferën më të rëndë që është zbuluar ndonjëherë!
POSTIMI I SALIANJIT:
Sot autokrati kyçi dhe parlamentin sikur ta kishte dyqan personal, njësoj siç i ka mbyllur gojën kujtdo në partinë e tij sot mbylli dhunshëm parlamentin që qytetarët mos njiheshin me faktet e korrupsionit masiv dhe minimit të demokracisë! Edi Rama dhe qeveria e tij janë përfshirë në aferën më të rëndë që është zbuluar ndonjëherë! Frika nga institucionet e Shteteve të Bashkuara e ka bërë të futet në vrimë të miut! Nuk e shpëtojnë dot as oligarkët rusë të sanksionuar nga SHBA, as paratë e krimit dhe korrupsionit as devijimi i vëmendjes, as kapja e drejtësisë! Dita po vjen!
