TIRANË– Ministrja e Arsimit dhe Sportit Evis Kushi ka folur ditën e sotme për mbylljen e shkollave në zonat e thella pasi nuk ka nxënësës. Ministrja tha se synohet të ndërtohen shkolla me standarte dhe në zona adminstrative të largëta që grumbullimi i nxënësve të bëhet aty pasi sipas saj nuk mund të merren familjet dhe nxënësit nga qyteti për ti çuar në fshat.
Evis Kushi: Nuk kemi ne qëllim të mbyllim shkolla dhe as nuk ndodh kjo, ju doni që nxënësit të mësoni në klasa kolektive?! Nuk është efiçente të ndërtoshë një shkollë të madhe në një zonë të largët ku ka 3 nxënës. Në zonat rurale janë shkollat qëndër që janë në qëndrat e Njësive Administrative dhe janë shkollat vartëse që janë shkollat e majës së malit. Kështu që kjo është zgjidhja që ai fëmija të mos rrijë në majë të malit ku janë tre familje. Atje në majë të malit ka një shkollë që ka tre nxënës dhe që shkon mësues që mëson këta 3 nxënës. Ky nuk është arsimi që ne duam, ne duam shkolla që ofrojnë cilësi dhe programe. Nëse ju mendoni se zgjidhja është të ndërtojmë një shkollë të madhe në një zonë ku ka tre familje nuk funksionon, nuk besojmë se do t’i marrim familjet nga qendra t’i çojmë në fshat.
