BRITANi– Të paktën tre persona dyshohet se kanë vdekur pasi një gomone me emigrantë u fundos në orët e para të mëngjesit të sotëm. Gomonia me mbi 40 emigrantë u mbyt në Kanalin Anglez në orën 3 të mëngjesit me një operacion të madh shpëtimi në vazhdim.
LBC raporton se 43 njerëz janë shpëtuar të gjallë nga katastrofa. Burimet e përfshira në operacionin e kërkim-shpëtimit thanë se kishte ‘të vdekur’ dhe se ‘viktimat po transportoheshin me helikopter’ nga deti.
