DIBËR– Një ngjarje e rëndë është regjistruar në Dibër ku raportohet ser një i mitur ka humbur jetën pasi është gjetur i mbytur në liqenin e fashatit Shumbat. 13-vjeçari ka qenë duke u larë kur është mbytur.Familajrët raportuan në Polici zhdukjen e tij ndërsa pas kërkime u gjet dhe trupi i pajetë i të miturit. Nga kqyerja paraprake e trupit nuk janë konstatuar shenja dhune, policia po heton zbardhjen e ngjarjes.
NJOFTIMI I POLICISË:
Dibër Shërbimet e Komisariatit të Policisë Dibër, mbremjen e djeshme, pas kallëzimit nga shtetasi A. S. për humbjen e djalit të vëllait të tij, shtetasit E. S., 13 vjeç, kanë nisur menjëherë kërkimet në zonën e fshatit Shumbat, bazuar në informacionet se ky shtetas ishte parë afër liqenit të këtij fshati. Pas rreth 2 orësh kërkime, në bashkëpunim me banorët e zonës, është bërë e mundur gjetja dhe nxjerrja nga liqeni i fshatit Shumbat, e trupit të pajetë të shtetasit E. S., 13 vjeç. Nga këqyrja paraprake, në trupin e 13-vjeçarit nuk janë konstatuar shenja dhune apo dëmtime të tjera. Nga veprimet e para hetimore dyshohet se ky shtetas është mbytur aksidentalisht. Grupi hetimor, në drejtimin e Prokurorisë, vijon punën hetimore për zbardhjen e plotë të rrethanave të kësaj ngjarjeje.
