TIRANË– Deputeti i PD-së Ervin Salianji, u shpreh mbrëmjen e sotme në emisionin “Zonë e Lirë” në Abcnews se kryeministri Edi Rama mbrohet për shkak të imunitetit, në lidhje me çështjen MC Gonigal, ndërsa përballë tij Ervin Bushati nga Partia Socialiste, tha se çështja “MC Gonigal po përdoret nga opozita dhe konkretisht nga ish-kryeministri Sali Berisha për të larguar vëmendjen nga kriza e madhe në të cilën ndodhet sot PD-ja.
Salianji: Kur hyn dikush në aferë korruptive, ky [referuar Ramës] është i kapur dhe duhet të shkojë para ligjit. Në raport me ligjin është i kapur. Ka imunitet. Edi Rama ta japë dorëheqjen sot, dhe ta shohësh a hetohet apo jo. Nëse Edi Rama s’ka imunitet, Edi Rama përfundon në gjyq.
Bushati: Unë mendoj se Sali Berisha do ta nxehë situatën politike sa të saldojë krisjet që ka brenda PD. Do ftohet kjo, sepse nuk ka asnjë brum si çështje. Kjo ju duhet për karburant deri për zgjedhjet lokale
