TIRANË– Deputeti i Partisë Demokratike Enkelejd Alibeaj ka folur pas mbledhjes së Konferencës së Kryetarëve. Ai është shprehur se në mbledhje kërkuan interpelancë me kryeministrin Edi Rama për çështjen McGonigal. Sipas Alibeajt kreu i qeverisë e ka për detyrë që tu japë përgjigje shqiptarëve ndërsa shtoi se mazhoranca e shtyu kërkesën për ngritjen e Komisionit Hetimor për këtë çështje.
Enkelejd Alibeaj: E para ishte një kërkesë për interperlancë me kryeministrin. Seancë e cila nuk u krye herën e parë për kërkesat që kryeministri i di vet. Kryeministri është i detyruar që kjo seancë të zhvillohet dhe që ai të jetë i pranishëm. Kërkesa e dytë është një kërkesë për pyetje dhe përgjigje që i drejtohet vetëm atij, ka 15 pyetje të shkruara nga deputetet që i drejtohen kryeministrit dhe që ai duhet të përgjigjet. As kjo nuk u pranua. E treta, ka një kërkesë për mocion i paraqitur dy seanca më parë. Sipas rregullores në mocion, secili deputet ka kohën e tij që të flasë. Nuk e pranuan as këtë, por e shtynë. Kishte dhe një tjetër kërkesë që është për komisionin hetimor. Kjo kërkesë ka të gjitha të rregullta.
