TIRANË– Zëvendëskryeministrja Belinda Balluku i ka dalë në “mbrojtje” kreut të ekzekutivit ditën e sotme sa i përket arrestimit të ish-zyrtarit të lartë të FBI-së Charles McGonigal dhe lidhjeve të tij me Ramën. Gjatë një deklarate për mediat pas mbledhjes së qeverisë Balluku tha se kryeministri e ka dhënë sqarimin e tij në lidhje me këtë çështje. Sa i përket ish-të dashurës së McGonigal që ishte dhe ajo që e “fundosi” ish-agjentin Ballaku tha se asaj i janë ofruar [ara për të dhënë intervistë në TV shqiptare me qëllim “bërjen pis” të vendit.
Belinda Balluku:: Kryeministri ka durim që të sqarojë të gjithë shqiptarët, jo më ne. Kështu që javën e kaluar na ka sqaruar që të gjithë pavarëisht se nuk ka asgjë për të dalluar. Por çdo arsye kthehet në një kalë beteje nga opozita. Kryeministri ka sqaruar më shumë sesa duhet sepse nuk ka asgjë për të sqaruar. Është kthyer në telenovelë historia, dje ish-dashura është paguar për të dhënë një intervistë në Shqipëri. Kështu që si zakonisht kemi dëshirën e madhe për të paguar për të bërë vendin tonë pis.
Po ashtu Balluku bëri të ditur se pozicionet brenda administratës shtetërore që lidhen me tekonologjinë, do ta rregullohen me ligj të veçantë
Belinda Balluku: Kemi nisur studim të tregut për profesione të veçanta, ashu sic janë punonjësit e AKSH, që të shikojnë dronët dhe satelitët. Po ashtu dhe për inxhinierët, ato të digave, një sërë profesionesh që sot trajtohen në forma të ndryshme. Duke qënë se tregu privat paguan paga të larta, zhvillimet teknologjike mund të mbulohen vështirë. Pozicionet brenda administratës shtetërore që lidhen me tekonologjinë, do ta rregullojmë me ligj këtë kuadër.
