TIRANË– Seanca e sotme plenare ashtu si dhe seanca e shkuar po zhvillohet me tensione të forta mes mazhorancës dhe opozitës. Deputetët demokratë kundërshtojnë vendimin e Kuvendit për përjashtimin e kolegëve të tyre, Deputetja Flutura Açka gjatë fjalës së saj iu është përgjigjur deklaratave të kryeministrit Edi Rama, i cili e ka quajtur opozitën “kopsht zoologjik”, duke quajtur maxhorancën kafaz. Ndërsa Albana Vokshi u shpreh se Rama e ka vendin në burg.
Albana Vokshi: Edi Rama e ka vendin në burg. Deputetë të ndershëm socialistë distancohuni nga Rama. Ejani të ngremë sot komisionin hetimor. 24 deputetë keni përjashtuar, turp më të madh nuk ka Lindita Nikolla. Besoj se do përjashtoni edhe të tjerë. Ky parlament sot ka rënë, nuk mbron më interesat e popullit, mbron vetëm interesat e Edi Ramës. 14 herë përmendet emri i Ramës në akt akuzën e drejtësisë amerikane.
Flutura Açka: Jemi kopsht zoologjik sipas asaj qe ka thënë kryetari juaj. Kontrolloni kafazin tuaj për paraqitjen këtu. Çështja e parë, pse kryeministri nuk paraqitet kur e kërkon Kushtetuta? Ka shkelur Kushtetutën, duke mos e sjellë në kohë, për ju është Zeus, Promote, apo Skënderbe, por për ne është kryeministër. Por meqë ka deklaruar jemi kopsht zoologjik, zgjidhni vetë kush është pilivesa. Unë vetë vij erë njeriu, unë dhe shumë të tjerë do flasim si njerëz. Ai i është hiena. Pika 2. Komisioni Hetimor, dhe sa u tha një gjë e pavërtetë, sa kohë deputeti thotë është firma ime s’ka asnjë konflikt. Ju do verifikoni firmat, dhe nuk hapni Komisionin Hetimor. Pika 3 dhe më flagrante. Kushdo deputet ka të drejtën e përfaqësimit të njerëzve mbrapa tij, ju edhe sikur ti përjashtoni, 27 deputetë, 27 vota i keni hequr ligjeve nga data 2 deri sot, në momentin e votimit jeni të detyruar që ti ftoni këtu në sallë dhe të vijnë të votojnë, këta njerëz nuk e kanë.
