TIRANË– Kryetari i Partisë Demokratike Sali Berisha ka deklaruar se ish-agjenti i FBI-së Charles McGonigal ka kërkuar nga SPAK arrestimin e tij. I ftuar në “Now” Berisha tha se këtë informacion e ka nga burime të sigurta brenda Prokurorisë së Posaçme.
Sali Berisha: Presion dhe presion të madh. Ai kërkonte arrestimin e Sali Berishës, madje me ngulm. Nga burime të brendshme të vetë SPAK i kam këto informacione. Nëse mua më vijnë informacione dhe të tjerët s’i dinë, çfarë të bëj, t’i fsheh? Unë do i them, do i them se kanë interes publik këto gjëra.
