TIRANË– Ministri i Brendshëm Bledi Çuçi ka folur për herë të parë për arrestimin e ish-agjentit të FBI-së Charles McGonigal dhe lëvizjet e takimet e tij në Shqipëri me kryeministrin Edi Rama dhe jo vetëm. Sipas tij Policia e Shtetit ka pasur vetëm takime institucionale me Byronë Federale të Hetimit (FBI) dhe jo me persona të përveçëm ku shtoi dhe se nuk e ka takuar ish-agjentin. Sa i përket hyrje-daljeve që ai ka bërë në vendin tonë ministri tha se të gjitha janë në sistem dhe se nuk ka asgjë sekrete.
Bledi Çuçi: Policia është asistuar në bazë të një marrëveshjeje partneriteti, hera e fundit konkrete ka qenë në rastin e sulmit kibernetik. Edhe sistemet e PSH që kemi ne, kemi patur ndihmën e FBI dhe kemi patur menjëherë përgjigje. Ne marrëdhëniet i kemi me institucionin, me FBI, jo me emra të përveçëm. Unë vetë nuk e kam takuar nëse keni kuriozitet. Hyrje daljet e McGonigal? Duhet të jenë në sistem, s’ka asnjë sekret.
