TIRANË– Kryeministri Edi Rama pas “akullit” të thyer mbrëmjen e djeshme në daljen maratonë në emisionet televizive “Prime Time” të së enjtes ku u mbrojt në lidhje me akuzat e ngritura ndaj ish-agjentit të lartë të FBI-së Charles McGonigal dhe lidhjet e tij me të ka reaguar sërish ditën e sotme. Në një postim në Twitter Rama ka “ashpërsuar” gjuhën ndaj opozitës të cilën e ka quajtur të çekuilibruar. Sipas kreut të qeverisë opozita po përpëlitet nga fabrikimi i pisllëqeve ekstreme dhe kjo shkruan Rama vjen pas “puthjes” fatale me një të vdekur.
POSTIMI I RAMËS:
Kurrë më e mjerë, më e degraduar, më e shfytyruar dhe çekuilibruar s’është shfaqur ndonjëherë politika opozitare me altoparlantët e saj; kurrë boshllëku i ideve, kapsllëku i komunikimit, sasia e gënjeshtrave dhe budallallëqeve të lëshuara në ajër nuk kanë qenë kaq të qametshme! Asnjëherë asnjë opozitë e asnjë kohe deri sot nuk e ka ndotur kaq keq mjedisin publik, ashtu e shtrirë në tërë kanalet e komunikimit me gjuhën jashtë dhe me trupin që përpëlitet nga fabrikimi non stop i pisllëqeve më ekstreme! Kjo është pasoja e puthjes fatale me një të vdekur.
Asnjëherë asnjë opozitë e asnjë kohe deri sot nuk e ka ndotur kaq keq mjedisin publik, ashtu e shtrirë në tërë kanalet e komunikimit me gjuhën jashtë dhe me trupin që përpëlitet nga fabrikimi non stop i pisllëqeve më ekstreme! Kjo është pasoja e puthjes fatale me një të vdekur.
— Edi Rama (@ediramaal) February 3, 2023
