TIRANË– Kryeministri Edi Rama ka vendosur që të flasë mbrëmjen e sotme në lidhje me skandalin e arrestimit të ish-agjentit të FBI-së Charles McGonigal dhe takimet e tij me të. Gjatë një inyterviste për “Top Story” Rama tha se nuk ka heshtur ashtu siç është akuzuar. Sipas kreut të qeverisë takimet e tij me të kanë qenë të rastësishme ndërkohë që shtoi se nuk kishte arsye për të njoftuar ambasadën për takimet me të. Gjatë takimeve thotë Rama ata kanë folur për influencën ruse në rajon.
Grida Duma: Jeni mirë nga gripi sepse thatë se ishte një flamë?
Edi Rama: Jam ok tani, jam shumë ok
Grida Duma: Pse keni heshtur deri më tani?
Edi Rama: Nuk kam heshtur, por kam thënë atë që mund të them unë. Opozita më ka tërhequr edhe mua ndonjëherë në atë nivel. Sidoqoftë faleminderit që më jepni mundësinë. McGonigal ka ardhur më ka kërkuar ta takoja, më ka treguar se puna e tij ka pasur në fokus influencën ruse. Më ka folur për rajonin. Pastaj takimet e tjera kanë ardhur si rezultat i pranisë së tij këtu, e jam takuar krejt rastësisht, ose në praninë timë në SHBA, ku më ka ftuar dhe kam qenë në zyrat e FBI dhe Nju York. Nuk shoh asgjë të jashtëzakonshme në këtë marrëdhënie krejt normale. S’kam pasur asnjë detyrim të njoftoj as ambasadën.
