TIRANË– Deputeti i Partisë Demokratike Ervin Salianji ka akzuar sërish institucionet e drejtësisë të cilat sipas tij nuk kanë nisur ende hetimet në lidhje me skandalin e arrestimit të ish-agjentit të FBI-së Charles McGonigal dhe lidhjet e tij me kryeministrin Edi Rama. Gjatë një deklareate për mediat nga Kryesia e Kuvendit Salianji tha se të gjitha institucionet heshtin dhe se ato përdoren nga Rama si “kamxhik” për të goditur ata që dalain nga vatha e tij. Sipas deputetit demokrat Struktura e Posaçme Kundër Korrupsionit dhe Krimit të Organizuar duhet të japë llogari dhe të kthejë përgjigje siç e kërkon ligji.
Ervin Salianji: Jam sot për të konfirmuar me shkresa pasi dihet se të gjitha institucionet janë nën thundër të autokratit. Të gjitha institucionet prej një muaji nga frika e Ramës ose heshtin ose kanë frikë të përgjigjen. Me urdhër të Ramës është anuluar ngritja e Komisionit Hetimor dhe mocioni për debat. Disa institucione janë përdorur për të goditur kundërshtarët politikë, në media. SPAK, SHISH, dhe Ministrisë së Brendshme u janë dorëzuar disa kërkesa për informacion. Ministria ktheu përgjigjen se ministri i brendshëm apo zyrtarë të tij nuk kanë pasur asnjë takim me ish-zyrtarin e FBI-së. SHISH i kapur nga kryeministri thotë se i përgjigjet vetëm kryeministrit. SPAK me keqardhje të plotë, edhe sot e kësaj dite nuk ka fuqi të kthejë përgjigje sipas ligjit. Kur si kthen përgjigje një deputeti imagjinoni për një qytetar të këtij vendi, Të gjitha institucionet janë në thundrën e autokratit. Të gjitha institucionet për shkak të frikës së Ramës dhe hetimit të çështjes McGongial ose heshtin ose nuk kthejnë përgjigje. Me urdhër të Ramës është bllokuar kërkesa për Komisionin Hetimor. Disa institucione duke i përdorur Rama si kamzhik për të goditur ata që dalin nga vatha e tij. “Ministri i Brendshëm zoti Bledar Çuçi nuk është takuar me Gonigal,”, na është thënë nga autoritetet, shkresa dërguar informativ shtetëror , tregon se është në kontroll të kryeministrit.
Pyetje: A ka takuar McGonigal drejtues të institucioneve të larta?
