TIRANË– Një 40-vjeçar i identifikuar me inicialet M.Ç la rënë më orangat e policisë së Tiranës këtë të martë pasi u kap në flagramcë me armë zjarri me vete. Arrestimi i tij u bë në rrugën “Lord Bajron”. Pas kontrollit fizik të kryer nga efektivët i janë gjetur dhe sekuestruar një armë zjarri pistoletë me krehër dhe municion luftarak. po ashtiëu 40-vjeçari kishte me vete dhe disa mjete të ndryshme identifikimi.
NJOFTIMI I POLICISË:
Finalizohet nga Komisariati i Policisë Nr. 3, operacioni policor i koduar “Chief”. Qarkullonte me armë zjarri pistoletë, arrestohet në flagrancë 40-vjeçari. Sekuestrohen arma e zjarrit pistoletë dhe municion luftarak. Shërbimet e Komisariatit të Policisë Nr. 3, në vijim të punës për evidentimin dhe goditjen e rasteve të armëmbajtjes pa leje, bazuar dhe në informacionet e siguruara përmes inteligjencës informative, për një shtetas që qarkullonte me armë zjarri, kanë organizuar dhe finalizuar operacionin policor të koduar “Chief”. Gjatë operacionit, në rrugën “Lord Bajron”, shërbimet e Policisë kanë lokalizuar dhe ndaluar shtetasin M. Ç., të cilit, gjatë kontrollit fizik, i kanë gjetur deh sekuestruar një armë zjarri pistoletë me krehër dhe municion luftarak, si dhe disa mjete të ndryshme identifikimi. Në përfundim të veprimeve u bë arrestimi në flagrancë i shtetasit M. Ç., 40 vjeç, banues në Holandë, dhe materialet procedurale i kaluan Prokurorisë, për veprime të mëtejshme.
