TIRANË– Një prej personazheve publik që ka rënë “pre” e vjedhjes në banesë nga pastruesja Rozeta Dobi është dhe eksperti i kriminalistikës Ervin Karamuço. Ai ka treguar se ajo kishte vjedhur në banesën e tij një unazë floriri që për kishte një rëndësi të veçantë. Ai thotë se vjedhja ka ndodhur kur ajo ka hyrë në shtëpinë e tij. Ndër të tjera Karamuço tha se kishte bërë denoncimin në polici në lidhje me rastin dhe se uniformat blu ia kanë kthyer unazën kur e kanë gjetur në shtëpinë e Dobit pas kontrollit të dytë.
Ervin Karamuço: Unaza në fjalë më përket mua. Ka një dedikim: Ervinit me dashuri! Gruaja në fjalë ka qenë njëherë në shtëpinë tonë kur kemi lyer dhe duket se në atë moment ka kryer vjedhjen. E njohën për shkak të dedikimit. Më morën në telefon dhe më thanë që unaza u gjet.
