“Raportet e Kosovës me Shtetet e Bashkuara të Amerikës janë ekzistenciale!” theksoi në një mesazh në Fb, Presidentja e Kosovës Vjosa Osmani nga Uashingtoni, pas takimit me liderët e SHBA-së.
“Nder i veçantë takimi me Sekretarin e Shtetit Antony Blinken, me të cilin rikonfirmuam partneritetin tonë të palëkundur, si dhe hapjen e kapitujve të rinj të bashkëpunimit në sektorë të rëndësishëm e strategjik.
Me Shtetet e Bashkuara të Amerikës do ta intensifikojmë angazhimin e përbashkët diplomatik, forcimin e sundimit të ligjit, si dhe rrugëtimin tonë euro-atlantik.
Së bashku qëndrojmë krah për krah në adresimin e sfidave të përbashkëta ndaj paqes, sigurisë, si dhe në promovimin e vlerave tona të përbashkëta demokratike”, nënvizoi Presidentja.
