TIRANË– Me ftesë të Presidentit Bajram Begaj, Presidentja e Kosovës Vjosa Osmani pritet që të vizitojë Tiranën më datat 4 dhe 5 shtator në një vizitë zyrtare. Lajmin e ka bërë me dije vetë Presidenca por nuk ka dhënë më shumë detaje për vizitën. Mbetet ende e paqartë nëse Osmani do të takohet me Ramën në vizitën e saj dy ditore.
Presidenca: Presidenti i Republikës së Shqipërisë, Sh.T.Z. Bajram Begaj, do të presë me ftesë të tij për një vizitë shtetërore në Tiranë Presidenten e Republikës së Kosovës, Sh.S.Znj. Vjosa Osmani. Vizita do të zhvillohet në datat 4-5 shtator 2023. Për detajet e axhendës do të njoftoheni në vijim.
