Me fustan të bardhë dhe e rrethuar nga Shqiponjat, mbërrin në ambientet e GJKKO-së gjyqtarja e arrestuar
Ka mbërritur këtë të diel në ambientet e Gjykatës së Posaçme në Tiranë gjykatësja e arrestuar e Elbasanit, Zamira Vyshka.
gjyqtarja vyshka gjkko
Siç shihet dhe nga pamjet e mësipërme, gjyqtarja ka shkuar mjaft e kombinuar në GJKKO, ku ka veshur një fustan të bardhë dhe mban në dorë një çantë jeshile.
E shoqëruar nga Forcat Shqiponja në krah gjyqtarja është filmuar në momentin kur hyn në Gjykatën e Posaçme Kundër Krimit të Organizuar dhe Korrupsionit.
Vyshka u arrestua dy ditë më parë për veprën penale të korrupsionit, pasi dyshohet se kishte përfituar shuma monetare nga familjarët e një të arrestuari, me qëllim zbutjen e masës së sigurisë.
Bëhet fjalë për familjarë të Xhulio Musajt, i arrestuar për plagosje, të cilët me anë të avokatit të tyre Ilir Pashaj i ofruan gjyqtares 2 milionë lekë të vjetra.
Në pranga përfundoi dhe gjyqtari Ilir Pashaj, ndërkohë që për gjyqtaren dhe për dy familjarë të Xhuljo Musait u vendos fillimisht masa e sigurisë “Arrest në shtëpi”.
gjyqtarja 6
