TIRANË– Në përfundimi të fjalimit të saj të fundit si Ambasasdore e SHBA- ve në Tiranë Yuri Kim me sa duket kishte një mesazh të fortë për politikanët e jo vetëm. Ajo u shpreh se në detyrën e saj të re do të ketë përgjegjësi për Europën dhe kështu dhe për Shqipërinë por sipas saj kjo nuk do u pëlqejë shumë të gjithëve.
Yuri Kim: Në pozicionin tim të ardhshëm do kem përgjëgjësi për Europën edhe Shqipërinë, ndoshta jo të gjithë janë të kënaqur me këtë, por unë jam. E vërteta është kjo. Kam qenë shumë e prekur dhe jam ndryshuar nga përvoja imë këtu. Shqipëria do të jetë gjithmonë më mua. Arsyeja pse e bëra bashkë këtë konferencë, ta bëja live që të mos i shikoja pyetjet para është që t’i kujtoj të gjithëve për rolin kritik, thelbësor që një media e pavarur ka në një vend. Portali mediatik mund të jetë një biznes, por gazetarët kanë përgjegjësi. Këtë e keni dëgjuar shumë në punën time, të gjithë kemi punë, puna juaj është të pyesni pyetje të vështira për të mirën e njerëzve. Puna ime është që të përgjigjem sa më sinqerisht që të mundem, sigurisht përdorim teknikat tona, japim përgjigje në një formë tjetër. E rëndësishme është që japim përgjigje sepse ju përfaqësoni njerëzit dhe popullin.
